Ұстаздар күні-маңызды мереке, себебі әр шәкірттің өмірлік жадында ұстаздың берген өсиеті, кеңесі таптырмас құндылық болып қалады.

2020 жылы 30 қыркүйекте Махамбет Өтемісұлы атындағы Оқушылар сарайы білім беру ұйымдарының әкелері кеңестерімен бірлесе отырып, Ұстаздар күніне арналған «Ұстаз жолы-ұлы жол» атты new release дайындады. Бұл бейнероликте бірнеше өмірлік оқиғалар ұсынылады, басты рөл алғашқы мұғалімдерге, білімнің баға жетпес қорын берген тәлімгерлерге берілген. Жас ұрпақ аға буынды алмастырады, ал «алғашқы қоңырау», «алғашқы мұғалім», «мектептегі шақ» тәрізді естеліктер әр адамның өмірінде маңызды орын алады. Бейнероликте мектеп өміріндегі қызықты оқиғалар көрсетілген және басты рөлді адамзаттың тірекшілері-әкелер бейнелейді, сонымен қатар бейнероликте оларды балалық шаққа алаңсыз жетелеген ізбасар ұлдары маңызды орын алды.

Бұл жобаның мақсаты - мұғалімдерге деген сүйіспеншілік пен құрмет сезімдерін ояту және мұғалім мамандығына деген қызығушылықты арттыру. Жобаға 50-ден астам қатысушылар атсалысты. Олардың ішінде білім беру мекемелері: №1 мектеп-лицей, №64 мектеп-лицей, №77 мектеп-гимназия, №79 мектеп-лицей, №81 мектеп-гимназия, №85 мектеп-лицей, №87 мектеп-гимназия.