2021 жылдың 19-21 наурызында М.Өтемісұлы атындағы Оқушылар сарайы қашықтық форматта "Көктем шуағы" Наурыз-fest қалалық жобасын №37 МЛ, №66 МЛ, №77 МГ, № 69 МГ, №8 МЛ, №4 МГ, №29 ОМ, № 30 МГ, №31 МГ, №48 МЛ, №89 МЛ, №59 МЛ, №64 МЛ, №85 МЛ, №81"Astana English School" гимназиясы білім беру ұйымдарымен бірлесіп іске қосты.

Наурыз-fest үш бөлімнен тұрды: "Музыкалық шығармашылық", "Салт-дәстүрлер", "Ұлттық ойындар". Әр бөлім Наурыз мерекесінің ерекшеліктерін, ежелгі ата-бабалар мәдениетінің өзіндік ерекшелігін ашып, қазақ халқының мәдениеті мен өнерінің ұлттық құндылықтарын насихаттады.

"Музыкалық шығармашылық" бөлімінде "терме", "айтыс", "қазақтың ұлттық билері" сияқты өнер түрлері ұсынылды. "Салт-дәстүрлер" бөлімінде қазақ халқының ұлттық салт-дәстүрлері: "бесікке салу", "тұсау кесу", "бата", "...келіні жақсы үйдің", "әже-асыл қазына", "ат әбзелдері" көрсетілді. "Ұлттық ойындар" бөлімінде қатысушылар өз көрермендерін "асық ату", "бес асық", "ханталапай", "тоғыз құмалақ", "арқан тартыс" сияқты батылдық, ептілік және шыдамдылыққа арналған ұлттық ойындар мен күш жарыстарының түрлерімен таныстырды.

Осы жобаға қатысқан білім беру ұйымдары ұйымдастыру комитетінің алғыс хаттарымен марапатталады.